12 dekabr tarixində Tbilisidə gürcü yazıçısı T.Badzağuanın
“Pəncərələrin o biri tərəfi” əsərinin motivləri əsasında
hazırlanmış tamaşanın premyerası keçirilib.
Tamaşa Heydər Əliyev adına Tbilisi Dövlət Peşəkar Azərbaycan Dram
Teatrı tərəfindən səhnəyə qoyulub.
Premyera Qriboyedov adına Rus Dram Teatrının kiçik səhnəsində baş
tutub. Bu barədə teatrın rəhbəri Turqay Vəlizadə “Marneuli”
radiosuna məlumat verdi. Onun sözlərinə görə, tamaşada Telman
İsfahanlı, Nərmin Həsənova, Mədinə Həsənova və Fuad İsfahanlı
iştirak etdilər. Turqay Vəlizadənin bildirdiyinə görə, tamaşa
iştirakçıların marağına səbəb oldu və alqışlarla keçdi.
Tamaşanın quruluşçu rejissoru Ketevan-Xatuna Bedeladzedir.
Tamaşanın rəssamı isə Aleksandr Slovinskidir.
Teatrın bədii rəhbərinin sözlərinə görə, əhalinin istəyini nəzərə
alaraq tamaşanı yenidən tamaşaçılara təqdim edəcəklər. Tamaşa 22
dekabr tarixində saat 19:00-da Qriboyedov adına Rus Dram Teatrının
kiçik səhnəsində baş tutacaq.
Biletin qiyməti 10 laridir və biletləri aşağıdakı saytdan əldə edə
bilərsiniz:
biletebi.ge
Tamaşanın keçiriləcəyi ünvan: Qriboedov teatrı Ş.Rustaveli
prospekti 2/4, Tbilisi, Gürcüstan.