Marneulinin məktəbləri üçün “EKO-MÜSABİQƏ” elan edilib.
Tasso Fondunun maliyyə dəstəyi ilə “Yaşıl Düşüncə” təşəbbüs qrupu
“Plastik çirklənməni dayandırın” şuarı altında Marneuli
Bələdiyyəsinin məktəbləri üçün müsabiqəyə başlayıb.
16 oktyabr tarixindən 29 dekabr tarixinə qədər Marneuli
bələdiyyəsində fəaliyyət göstərən dövlət və ya özəl məktəblər
müsabiqəyə qoşula bilər.
Müsabiqənin şərtləri:
- Ən azı 30 kq plastik toplanılmalıdır;
- Yığılmış plastik tullantıları Marneuli şəhərində
Azərbaycan evinin (Ataholding) həyətində açılmış plastik
tullantıları atma məntəqəsinə təhvil verilməlidir;
- Yığılan tulantıların miqdarı barədə məlumat
verilməlidir
“Yaşıl Düşüncə” təşəbbüs qrupunun məlumatına görə, onlara təhvil
verilən tullantıların əvəzinə hədiyələr veriləcək.
“Biz sizə yığdınız plastik tullantıların əvəzində hər
dəfə eko-hədiyyəciklər, maraqlı kitablar və məktəb ləvazimatları
verəcəyik. İlin sonunda ən çox plastik tullantı toplayan məktəb
bəlli olacaq. Qalib məktəb “Marneuli Bələdiyyəsinin Ən Yaşıl
Məktəbi” mükafatına layiq görüləcək!”, – məlumatda
deyilir.
Müsabiqənin qalibi olan məktəb dekabrın 30-da layihənin yekun
görüşündə elan ediləcək.
Müsabiqədə iştirak etmək üçün:
- Məktəbinizin şagirdlərindən və müəllimlərindən ibarət
yaşıl komanda yaradılması və ona ad verilməsi. (Komanda üzvlərinin
maksimum sayı - 20 iştirakçı olmalıdır. Komandanın müxtəlif
siniflərdən olan şagirdlərdən ibarət olması
mümkündür)
- Qeyd olunan linkdən qeydiyyatdan keçmək: https://forms.gle/pXjzVMnKGkJGGdG6
Qeydiyyatdan keçdikdən sonra plastik tullantıların çatdırılma ilə
bağlı təşkilat sizinlə əlaqə saxlayacaq.
Əlavə məlumat almaq üçün:
Qeyd edək ki, müsabiqə Tasso Fondunun maliyyə dəstəyi ilə həyata
keçirilən “ThinkGreen: 3R Marneuli” layihəsi çərçivəsində həyata
keçirilir.