Marneulidə küçə ticarətinin “konservləşdirilmiş” islahatı
Marneulinin
keçmiş meri Temur Abazovun şəhərdə küçə ticarətini qadağan
etməsindən artıq bir il ötür.
Marneuli-Sadaxlı yolunda yuyucu və gigiyenik vasitələrinin
satıldığı köşklər, bazarın ətraf ərazisində pendir və süd
məhsulları ticarətçiləri qaydaya görə olmamalıdır, amma vəziyyət
yenə də eynidir.
Marneuli-Sadaxlı yolunda gündəlik Azərbayacan və Ermənistana gedən
maşınlar keçirlər, orada sarı brezendlə örtülmüş köşklər çoxdur.
Köşklərin demək olar ki, özünəməxsus görünüşü var, uzun formada
formalaşdırılmış iki sıra və müxtəlif yuyucu vasitələr
yerləşdirilib, eyni zamanda satıcının günəşli və yağışlı günlərdə
özünü rahat hiss etməsi üçün kiçik bina var.
Bazarın ətraf ərazisində isə gündəlik süd məhsulları
ticarətçilərinə rast gələ bilərsiniz. Onların məhsulunun
keyfiyyətini heç ərzaq mühafizəsi agentliyi nə də bələdiyyə
yoxlamır.
Abazovun islahatının birinci mərhələsində, 2018-ci ilin yanvarında
meriya Marneuli-Sadaxlı yolunda yerləşən küçə ticarətçilərinə
xəbərdarlıq etmişdi ki, özlərinin qurduqları köşkləri uçursunlar.
Meriyada qeyd olunan məsələ ilə bağlı iş görüşləri də baş tuturdu.
Yerliözünüidarə isə alternativ məkan axtarırdı ki, küçə
ticarətçilərini oraya keçirmək mümkün olsun.
Qeyd olunan təşəbbüs Marneuinin o zamankı meri Temur Abazovun
həbsindən sonra demək olar ki, unuduldu. Meriyada bu məsələ ilə
bağlı müsahibə verməkdən çəkindilər.
Temur Abazov Marneuli sakini Elçin Allahverdiyevə qarşı təhqiredici
və insanlıqdan kənar yanaşma ittihamı ilə 2018-ci ilin 13 iyununda
saxlanıldı.
İyulda meriya artıq bazarın ətraf ərazisində yerləşən küçə
ticarətçilərinə xəbərdarlıq etdi ki, onlar bazar ərazisinə
keçsinlər, amma xəbərdarlıq elə xəbərdarlıq olaraq da qaldı.
Marneuli meriyasından hələ də şifahi şəkildə bizə cavab vermirlər
ki, bələdiyyənin küçə ticarətini həll etmək üçün hansı planı var və
suala cavab vermək üçün yazılı şəkildə müarciətə 10 gün cavab
gözləməyimizi xahiş edirlər.