Marneuli komissarlığında səs-küy - əsgər döyülmə faktından danışır
Marneuli sakini, əsgər Kazım Qəhrəmanov təsdiq
edir ki, onu Krdzanisi tədris mərkəzində döyüblər.
Kazımın sözlərinə görə, onun pulunu qəsb
edirlərmiş, etiraz etdiyi halda isə fiziki olaraq hesablaşıblar.
Əsgərin göz nahiyəsində göy ləkə görünür.
“9 mart tarixndə təqribən gecə saat 2-də əsgərlər
gəldilər və azərbaycanlı əsgərlərdən pul tələb etdilər. Bəzisinin
heç pulu da yox idi və sonra maaş kartlarımızı əlimizdən alırdılar,
buna etiraz edəndə isə bizi döydülər. Bunların hamısı sejantlardan
biri, Endeladzenin gözü qarşısında baş verirdi və o, heç nə demədi.
Dünən isə başqa serjant da məni çağırdı və dedi ki, 7 ay yenə
burada olmalıyam və bu faktı kiməsə bidlirsəm sonra daha betər
edəcəklər” – Kazım Qəhrəmanov deyir.
Marneulinin Hərbi Qeydiyyat, Çağırış və Səfərbərlik Xidmətinə bu
gün Qəhrəmanovun valideynləri də gedblərmiş. Cavabı isə həmin
xidmətdən tələb edirlər. Ancaq Hərbi Qeydiyyat, Çağırış və
Səfərbərlik Xidmətinin rəhbəri Vaja Şubitidzenin bildirdiyinə görə,
məsələni araşdırmaq onun səlahiyyətinə daxil deyil.
Marneuli radiosu Müdafiə Nazirliyindən məlumat almağa çalışır.