Həmin ölkələr arasında konflikt olmasına baxmayaraq azərbaycanlı və ermənilərin sülh içində bərabər yaşaması Gürcüstanın uğurudur - Salome Zurabişvili
Gürcüstan
prezidenti Marneuliyə səfəri zamanı etnik azlıqlarların sülh içində
yaşamasından danışıb.
Prezidentinin sözlərinə görə, Marneulidə müxtəlif etnos
nümayəndələrinin yaşaması Gürcüstan üçün böyük dəyər və
potensialdır. Zurabişvili azərbaycanlı və erməni etnik azlıqların
Gürcüstanda sülh içində yaşamasını diqqətə yetirib.
“Onların ölkələri arasında hələ də konflikt olduğu
halda onların birlikdə olması, birgə oxuması Gürcüstan üçün böyük
uğurdur” – Salome Zurabişvili bildirib.
Gürcüstan prezidenti Salome Zurabişvili bu gün 19 martda Marneulidə
qonaq olub. İlk görüşü o, meriyada keçirib.
Zurabişvili qeyd edib ki, görüşdə Marneulinin turistik potensialını
və bələdyyədə bu baxımdan həyata keçirilən və ya keçiriləcək
layihələri müzakirə ediblər.