Birləşmiş müxalifətin fikrincə Zaur Darğallı idmançılara hədiyyə verir
Birləşmiş müxalifət “Güc birlikdədir”-in
nümayəndələri bu gün 7 may tarixində Marneulidə brifinq
keçiriblər.
Onlar “Gürcü Arzusu”nun mer vəzifəsinə
namizədini seçkiöncəsi kampaniyasında inzibati və insan
resurslarından istifadə etməkdə ittiham edirlər.
Brifinqdə Zaur Darğallının məmurlarla görüşlərinin fotolarını
nümayiş etdiriblər ki, bu şəkillərdə yerli özünüidarənin üzvləri,
müəllimlər əks olunub. Onlar həmçinin, Zaur Darğallının Sadaxlı
idman məktəbində olduğu və idmançılara idman ləvazimatı hədiyyə
etdiyi iddia olunan fotolara da irad bildiriblər.
Qeyd olunan məsələ ilə bağlı Zaur Darğallı ilə əlaqə saxladıq. O,
bildirdi ki, Sadaxlıda zala sadəcə baxıb və hər hansı bir hədiyyə
verməyib. Əlində idman ləvazimatı olduğu ehtimal olunan foto ilə
bağlı Zaur Darğallı belə cavab verdi:
“Bunlar köhnə inventarlardır. Nə vəziyyətdə olduğunu
göstərirdilər. Məşqçi dedi ki, bunlar köhnə formalardır, təxminən
10 il əvvəl aldıqlarını bildirdilər və biz də
baxdıq.”
Qeyd edək ki, Sadaxlı idman məktəbinin rəhbəri müxalifət
partiyasının şübhələrini aradan qaldırılması üçün meriyaya dəvət
olunub.