Əlli Bədirovun dediyinə görə, belə hallar
Şaumyan kəndindən başqa yerlərdə də baş verib.
“Digər kəndlərdə üstünə yapışdırmırlar, sadəcə cırırlar
və çıxarırlar, misal üçün, Aşağı Saral kəndində belə hal baş verib,
Araflıda baş verib, Marneulidə də olub. Belə hallar tez-tez olur və
artıq bunun Zaur Darğallının fəalları tərəfindən edildiyindən
şübhələnirəm”, – Əli Bədirov deyir.
Bədirovun Facebookdakı canlı yayımından təxminən 5 saat sonra bu
dəfə Tsereteli kəndində birləşmiş müxalifət “Güc birlikdədir”in
fəalı Azad Kərimov eyni məzmunda canlı yayım etdi.
Videoda görünür ki, Azad Kərimov “Gürcü arzusu”nun namizədinin
plakatlarından birini sökür və onun altından birləşmiş müxalifətin
mer vəzifəsinə namizədi Aqil Mustafayevin seçki öncəsi plakatı
çıxır.
Azad Kərimovun dediyinə görə, Tseretelidə qeydə alınmış bu hal
yeganə deyil və seçkiöncəsi plakatlarına ziyan vurulması halları
digər kəndlərdə də baş verir.
“Bu “Gürcü Arzusu”nun qərargah rəhbərlərinin günahıdır,
çünki bizim fəallarımız plakatları götürəndə mən onlara deyirəm ki,
digər namizədlərin plakatlarına üstünə vurmaq olmaz, onları cırmaq
olmaz. “Gürcü arzusu”nun liderləri isə bunu
etmirlər”, – Azad Kərimov dedi.
Qeyd olunan məsələ ilə bağlı “Gürcü Arzusu”ndan “Marneuli”
radiosuna bildirdilər ki, ittihamları qeyri ciddi olduğuna görə
onlarla bağlı şərh verməyəcəklər.