Marneuli Bələdiyyə Məclisinə ictimaiyyətlə,
qeyri hökumət təşkilatları və mətbuatla əlaqələr və gündür
məsələləri üzrə iş şöbəsi əlavə olunacaq.
Bu barədə məlumatı Bələdiyyə Məclisinin növbədənkənar iclası zamanı
Bələdiyyə Məclisi Aparatının rəhbəri Nino Beridze verdi.
Nino Beridzenin sözlərinə görə, Bələdiyyə Məclisi tərəfindən
müqavilə əsasında işə götürülmüş əməkdaşlar bu məsələlər üzərində
artıq çalışırlar.
“Müqavilə əsasında işə götürülmüş əməkdaş da dövlət
məmurudur, lakin qeyri-peşəkar dövlət məmurudur. Onlarla daimi
olmayan məsələlər üçün müqavilə bağlayırıq, lakin bu ştatın daima
iş görməli olduğunu nəzərə alaraq, eyni zamanda bir müddət öncə
dövlət audit xidməti bizi yoxladı və tövsiyə və qeydlərindən biri o
idi ki, müqavilə əsasında işə götürdüyümüz ştatların sayı icazə
veriləndən artıqdır. Məhz buna görə də bu tövsiyələri nəzərə
alacağıq və bu ştatlara müsabiqənin elan olunması yolu ilə qəbul
edəcəyik”, – Nino Beridze dedi.
Nino Beridze bizimlə söhbəti zamanı onu da qeyd etdi ki, yeni
şöbənin yaradılması nəticəsində əlavə ştatların artırılmasına
ehtiyac olmayacaq.
Marneuli Bələdiyyə Məclisi bu gün 5 iyun tarixində keçirilən
növbədənkənar iclas zamanı bu dəyişikliyi dəstəklədi.