Meriya üç il ərzində baş verə biləcək təbii fəlakət halları üçün vəsait ayırıb
“Əgər Marneulidə təbii fəlakət olarsa,
tələsikliyə yol verməmək üçün 238 240 larilik müqavilə bağlayırıq.
Yol Departamenti ilə birgə tender elan etmişik və bu gün müqavilə
bağlayırıq”
– bu
bəyanatı bu gün, 4 iyul tarixində Bələdiyyə Məclisinin
növbədənkənar iclasında Maliyyə-Büdcə Xidmətinin rəhbəri Vüqar
Məmmədov verib və qeyd edib ki, Marneuli bələdiyyəsi təbii
fəlakətlə mübarizə üçün əvvəlcədən hazırlıq görür və 3 illik
müqavilə bağlayır.
Vüqar Məmmədov qeyd edib ki, əgər 3 il ərzində Marneulidə heç bir
fəlakət olmazsa, qeyd olunan məbləğ başqa istiqamətə olan
layihələrə sərf olunacaq.
Qeyd olunan bəyanatı deputatlar yekdilliklə dəstəkləyib. Bələdiyyə
Məclisinin bugünkü iclasında yalnız 1 məsələ müzakirə edilib.