"Mən sizi bitirəcəyəm", – Qiorqi Qaxaria VMH-a bildirib
“Bir
şey demək istəyirəm: heç yerə getməyə hazırlaşmıram, mən sizi
bitirəcəyəm…Sizi Gürcüstan əhalisi və seçicilər bitirəcək. Küçə
müxalifətisiniz və 2020-ci ildə küçədə qalacaqsınız”, – bu bəyanatı
baş nazir vəzifəsinə namizəd Qiorqi Qaxaria Parlamentdə Vahid Milli
Hərəkat fraksiyası ilə görüşdə verib.
“Burada deyilənlərə gəldikdə isə, birmənalı şəkildə demək istəyirəm
ki, bu VMH-ın adi simasıdır: yalan həqiqətlə əvəz olunur. Siz bunu
nəinki 9 il ərzində, bu gün də edirsiniz”, – Qaxaria bildirib.
Bundan sonra VMH-ın üzvü Salome Samadaşvili iclasın dayandırılması
təşəbbüsünü irəli sürüb. Onun sözlərinə görə, Qaxaria ona qədər
verilən suala cavab vermək istəmirmiş. VMH-ın üzvləri ona qədər
tələb edirdilər ki, buraxılış hüququ verilən fəalları Parlamentə
buraxsınlar. Ancaq Parlamentin qərarı ilə onları artıq bir neçə
gündür qanunverici orqana buraxmırlar. Fəallar qeyd olunan binadan
kənar, etirazlarını utanc koridoru formasında bildirirlər.
Bunadək isə VMH-ın üzvü Qiorqi Qaxarianı qatil və cəllad
adlandırıb.