“İrakli, tezliklə Tbilisidə
sərbəst şəkildə görüşəcəyik və aramızdakı bütün narazılıqları
aşacağıq”, – bu haqda Gürcüstanın keçmiş prezidenti
Mixeil Saakaşvili “Facebook” səhifəsində yazıb və İrakli
Okruaşviliyə müraciət edib.
“Okruaşvili ilə münasibətim yaxşı deyil, amma onun
cəsarətli olduğunu qeyd etməliyəm, onu da qeyd edim ki, Okruaşvili
ədalətsiz şəkildə həbs edilib. Heç nə olmaz, İrakli, tezliklə
Tbilisidə sərbəst şəkildə görüşəcəyik və aramızdakı bütün
narazılıqları aşacağıq” – Saakaşvili yazır.
Bununla Saakaşvili keçmiş Müdafiə naziri İrakli Okruaşvilinin
paylaşımına rəy bildirib. Okruaşvili sosial şəbəkədə bu gün
paylaşım edib və Qiorqi Qaxarianın Baş-Nazir təyin olunmasını
qiymətləndirib.
“Bayırda 21-ci əsrdir. Müstəqilliyin elan olunmasının
30 ili tamam olur. Bizim ölkənin isə Qaxaria və başqalarının
simasında “əla” hakimiyyəti var. Ruslar və İvanişvili hesab edir
ki, Qavrilov gecəsində proporsional seçkilər onlara baha başa
gəlib. Bunun əvəzində isə Qaxarianı baş nazir təyin etməyə qərar
verdilər. Qaxarianın baş nazir olması ilə İvanişvili və ruslar
proseslərin radikallaşdırılmasına başladılar və biz hamımız bundan
düzgün nəticə çıxarmalyıq ki, 2020-ci ildə necə seçkilər
keçiriləcək. Müvafiq olaraq yalnız Qərbin qiymətləndirməsinə ümid
etməməliyik və “düzgün” hazırlaşmalıyıq. Qaxarianın baş nazir
olması ilə ruslar Gürcüstanın 20%-nin işğalını, hakimiyyətin isə
100%-lik işğalını başa vurdular. Əminəm ki, İvanişvili artıq Putinə
çatdırıb ki: “Tbilisinin başında qırmızı bayraq
dalğalanır”, – Okruaşvili yazır.