““Nikora” mağazasının filiallarından birinin 2
işçisində koronavirusa yoluxma halı təsdiqləndi”, -
deyə Xəstəliklərə Nəzarət Milli Mərkəzinin rəhbəri Amiran
Qamkrelidze “TV Pirveli”yə bildirib.
Onun sözlərinə görə, 38 yeni yoluxma halından 5-nin mənbəyi
araşdırılıb, bu 5 yoluxma halından 2-si bir mağazalar şəbəkəsinin
işçiləridir.
“Bu, Tibb Universitetinin qarşı tərəfində yerləşən,
“Nikora” mağazalar şəbəkəsinin filialıdır. Bu mağaza ilə bağlı
dərhal tədbirlər görüldü, işçi heyət dəyişdirildi, təmasda olanlar
özünütəcridə keçdilər, araşdırmaları davam edir", –
deyə Qamkrelidze bildirib.
Xatırladaq ki, bu gün, 2 sentyabr tarixində, Gürcüstanda
koronavirusa 38 yeni yoluxma halı aşkar edilib.
"Bu 38 yeni yoluxma halının paylanması belədir - 22-si
Batuminin "Dona "şirniyyat mağazasına, 7 hal - xəstələrlə təmasda
olanlara, 4-ü xaricdən gələnlərə aiddir ki, bunlardan da 2-si yük
maşını sürücüsüdür və 5 nəfərin təmasları müəyyən
olunur", – deyə Yoluxucu Xəstəliklər Klinikasının
kliniki direktoru Marina Ezuqbaia bildirmişdi.
Mənbə: publika.ge