Bu gün aşkarlanan 45 yeni haldan 21-i Acarıstanda
təsdiqlənib.
Acarıstanın İctimai Səhiyyə Mərkəzinin rəhbəri Rusudan Şavişvilinin
sözlərinə görə, onlardan 3 nəfəri Hopa bazarı ilə bağlıdır, 1 nəfər
Ədliyyə Evinin əməkdaşıdır, 2 nəfərin yoluxma mənbəyi məlum deyil,
qalanları isə təsdiqlənən halların təmasıdır.
“3 nəfər Hopa bazarının, 1 nəfər Ədliyyə Evinin
əməkdaşıdır, 2 nəfərin yoluxma mənbəyi məlum deyil, qalan hallar
təsdiqlənən halların təmasıdır. Onlar artıq özünütəcriddə yaxud
karantinə olub və orada müalicə alıblar. Bu dəqiqələrdə geniş test
aparılır və Hopa bazarı bağlıdır. Testin keçirilməsi üçün nə qədər
vaxt lazım olarsa, həmin müddət ərzində bağlı
qalacaq”, – Rusudan Şavişvili bildirib.
Şavişvilinin sözlərinə görə, Ədliyyə Evi hələ ki, bağlıdır, ancaq
dünən gecə binada dezinfeksiya işləri aparılıb. Ədliyyə Evinin
bütün əməkdaşlarının testdən keçirilməsi planlaşdırılır və kimin
təsdiqlənən hallarla kiçik təması olubsa, onlar adi rejimdə
işləməyə davam edəcəklər.
Bu gün Gürcüstanda koronavirusa 45 yeni yoluxma halından sonra
yoluxanların sayı 1 729 nəfər olub. Qeyd edək ki, 45 hal ölkə üçün
rekord göstəricidir.
Sağalanların sayı isə 6 nəfər artıb və 1321 nəfər təşkil edir.