Bu il noyabrın 1-də Mecvrisxevi kəndi yaxınlığında işğal olunmuş
ərazidə
Rusiya işğalçı qüvvələri tərəfindən qanunsuz saxlanılan azyaşlı
Gürcüstan vətəndaşı azaddır və mərkəzi hökumətin nəzarətində olan
ərazidədir. Bu barədə Gürcüstanın Dövlət Təhlükəsizlik Xidməti
məlumat yayıb.
Qurumun açıqlamasında bildirilir ki, qanunsuz saxlanma barədə
məlumat daxil olduqdan sonra dərhal “qaynar xətt” işə salınıb və
mərkəzi hakimiyyətin sərəncamında olan bütün mexanizmlər işə
salınıb. Məlumat Cenevrə Beynəlxalq Müzakirələrinin həmsədrləri və
beynəlxalq tərəfdaşlarımızla paylaşılıb.
“Gürcüstanın işğal olunmuş rayonlarında və işğal xətti
boyunca həyata keçirilən bütün dağıdıcı hərəkətlərə görə məsuliyyət
işğalçı dövlətin üzərinə düşür.
Mərkəzi hökumət beynəlxalq tərəfdaşlarla birlikdə istər işğal
olunmuş Sxinvali bölgəsi, istərsə də işğal olunmuş Abxaziya
istiqamətində qanunsuz həbsdə olan bütün şəxslərin azad edilməsi
üçün fəal işləməyə davam edir”, - məlumatda qeyd
olunur.