Tbilisidə qrup tərəfindən törədilmiş zorakılıq, iki nəfərin
sağlamlığına qəsdən ağır zərər vurma
və odlu silahın qeyri-qanuni şəkildə əldə
edilməsi-saxlanılması-daşınması ittihamı ilə iki nəfər
saxlanılıb.
Bu barədə məlumatı Gürcüstan Daxili İşlər Nazirliyi yayımlayıb.
“Daxili İşlər Nazirliyinin Tbilisi Polis
Departamentinin Vake-Saburtalo Rayon İdarəsinin və Tbilisi Polis
Departamentinin Xəfiyyə İdarəsinin əməkdaşlarının birgə apardığı
operativ əməliyyat nəticəsində 1962-ci il təvəllüdlü M.X. və
1980-ci il təvəllüdlü M.Q. Tbilisidə saxlanılıb.
M.X. Tbilisi şəhərində, Çavçavadze küçəsi 83 ərazisində mütəşəkkil
qrup tərəfindən törədilmiş zorakılıqda, M.Q isə iki nəfərin
sağlamlığına qəsdən ağır zərər vurma və odlu silahın qeyri-qanuni
şəkildə əldə edilməsi-saxlanılması-daşınmasında ittiham edilir.
İstintaq nəticəsində məlum olub ki, müttəhim M.X. mübahisə zamanı
1988-ci il təvəllüdlü V.K-ya qarşı fiziki güc tətbiq edib. M.Q. isə
bıçaq və odlu silahdan istifadə edərək 1980-ci il təvəllüdlü Q.C.
və 1994-cü il təvəllüdlü İ.P-nın sağlamlığına qəsdən zərər
vurub.
Polislər M.Q.-nın yaşadığı mənzildə axtarış aparan zaman cinayətdə
istifadə olunmuş silahları – bıçaq və tapançanı maddi dəlil kimi
müsadirə ediblər.
M.X.-ya qarşı Gürcüstan Cinayət Məcəlləsinin 126-cı maddəsinin
birinci prima hissəsinin “b” bəndi ilə istintaq aparılır. Həmin
maddə mütəşəkkil qrup tərəfindən törədilmiş zorakılığı nəzərdə
tutur.
M.Q.-ya qarşı isə Gürcüstan Cinayət Məcəlləsinin 117-ci maddəsinin
yeddinci hissəsinin “a” bəndi və 236-cı maddəsinin üçüncü və
dördüncü hissələri ilə istintaq aparılır. Həmin maddələr iki, yaxud
daha çox şəxsin sağlamlığına qəsdən zərər vurmanı və odlu silahın
qeyri-qanuni şəkildə əldə edilməsi-saxlanılması-daşınmasını nəzərdə
tutur”, – DİN-nin məlumatında qeyd olunur.