Borjomidə 35 yaşlı fəhlə tikintidən yıxılaraq ölüb
Borjomidə 35 yaşlı fəhlə hündürlükdən yıxılaraq ölüb. Hadisə
sentyabrın 3-də baş verib.
"Samxretis Karibce"nin verdiyi məlumata görə, mərhum Borjomidə
tikinti və bərpa işləri aparan "Best Build Group" MMC-də
işləyirmiş.
Redaksiya hadisə ilə bağlı əlavə məlumat almaq üçün şirkətlə əlaqə
saxlamağa çalışsa da, şirkətdə şərh verməkdən imtina ediblər.
Daxili İşlər Nazirliyində Cinayət Məcəlləsinin mədən, tikinti və ya
digər işlərin görülməsi zamanı təhlükəsizlik qaydalarını pozma -
240-cı maddəsi ilə araşdırma başlayıb.