Meriya tərəfindən elan olunmuş tenderə əsasən
festivalın təşkil olunması üçün 23 927 lari
xərclənəcək.
Tender sənədlərinə görə, festivalda üzümün sıxılması üçün istifadə
edilən qab qoyulacaq ki, burada da üzüm əziləcək. Bundan başqa
palıd ağacından hazırlanmış çəlləklər, tuluq və musiqi ifaçısı,
ənənəvi süfrə və festivalın məzmununa uyğun müxtəlif əşyalar
olacaq.
Marneulidə şərab festivalı 2016-cı ildən keçirilir. Marneuli
meriyasının İctimaiyyətlə Əlaqələr Şöbəsinin rəhbəri Mariam
Xaçidzenin bizimlə söhbəti zamanı bildirdiyinə görə, festivalda
Marneulidə fəaliyyət göstərən müəssisələr iştirak edəcək.
“Bu festival Marneulinin tanıdılması və burada aşkar
olunmuş arxeoloji abidənin populyarlaşdırılması baxımından çox
mühümdür. Bundan başqa, bu şərab istehsalı və üzümçülüyün inkişafı
üçün yerli şərabçılar və istehsalçılara bir növ
stimuldur”, – Mariam Xaçidze deyir.
Meriya Şərab festivalının keçirilməsi üçün 23 sentyabr tarixində
tender elan edib. Tenderdə iştirak etmək istəyən şirkətlər 29
sentyabrdan 1 oktyabradək öz təkliflərini təqdim edə bilərlər.