Şulaveri 2 saylı ictimai məktəbinin şagirdləri
və müəllimləri məktəbin həyətində kiçik kitabxana
qurublar.
Şulaveri 2 saylı ictimai məktəbinin kitabxanası məktəb binasının
qəzalı vəziyyətə düşməsindən sonra bağlanıb və uşaqları həmin
kəndin 1 saylı ictimai məktəbinə, ikinci növbəyə keçiriblər.
Doqquzuncu sinid şagirdi İura Qumaşiani məktəbdə kitabxana qurmaqla
maraqlanan şagirdlərdən biridir. O, deyir ki, kitabları çox sevir
və başqa uşaqların da oxumağı onun kimi sevməyini istəyir.
“Bu rəfi qoymağın ilk məqsədi kitabın
məşhurlaşdırılmasıdır. Şagird bu rəfi gördükdə bu ona motivasiya
verəcək ki, daha çox kitab oxusun” – İura Qumaşiani
deyir.
Doqquzuncu sinif şagirdi olan oğlan əsasən fantaziya ilə
maraqlanır. Onun sevimli kitabı “Harri Poterdir” və kitabları
məktəbin kiçik kitabxanasına aparmağı planlaşdırır.
İura kimi onun sinif yoldaşı Ləman da kitablarla maraqlanır. Onun
dediyinə görə məktəbdə belə fəallığı ilk dəfə keçirirlər. Ləman ən
çox qorxu janrında olan kitabları xoşlayır.
“Burada hər janrda kitablar olacaq. Bir-birindən
fərqli, müxtəlif yazıçıların kitabları və elmi kitablar da
gətirəcəyik. Kitablar evdə boş vaxtımızda oxumaq üçün
olacaq” – Ləman Mədətova deyir.
Bu gün, 1 oktyabr tarixində məktəbin həyətin qoyulan kiçik kitab
rəfi həmişə açıq olacaq, ancaq ona dair cavabdehliyi müəllimlər və
sinid rəhbərləri daşıyacaqlar.
Bizimlə söhbət zamanı Şulaveri 2 saylı ictimai məktəbinin
riyaziyyat müəllimi Elvir Həsənovun bildirdiyinə görə, ictimaiyyəti
xilas etmək məktəbdən başlayır və məhz buna görə uşaqların
kitablarla sıx əlaqəsi olmalıdır.
“Bizim kitabxanaya hər bir istəyi olan şəxs kitab
gətirə bilər. Mən dostlarıma da dedim ki, bizə kitab versinlər.
Uşaqlar da müxtəlif ədəbiyyat gətirəcəklər” – Elvir
Həsənov deyir.
Şulaverinin 2 saylı ictimai məktəbinin kitabxanasına hər bir istəyi
olan şəxs kitab apara bilər. Şagirdlər və müəllimlər isə ümid
edirlər ki, kitabxanada çox sayda kitab artacaq və uşaqların
müxtəlif ədəbiyyatla tanış olmaq imkanı olacaq.