Son bir həftədə Marneulidə sürünənlərin həyədə peydah olması ilə
bağlı üç hal qeydə alınıb.
Ola bilsin göstəricilər daha çoxdur, ancaq biz konkret faktları
deyən adamlara əsaslanırıq. Marneuli əhalisinin bir qismi düşünür
ki, bu il bələdiyyədə müxtəlif növ ilanlar xüsusi ilə artıb.
“Marneuli” radiosu İlia Dövlət Universitetinin araşdırmaçısı,
Qiorqi İankoşvili ilə müsahibə yazıb. O, bildirdi ki, temperaturun
kəskin artması ilə yanaşı sürünənlər də yuvalarından çıxır və
əhalinin müraciəti sürünənlərin sayının artması ilə bağlı deyil, bu
dövrdə onlara daha çox rast gəlməsi ilə əlaqədardır.
“İlanlar çıxması temperaturun kəskin artması ilə
əlaqədardır. Bu il yaz da yay da bir az gec gəldi. Ona görə,
ilanlar çox deyildi, ancaq temperatur artanda sürünənlər çıxdı və
onlara daha çox rast gəlinir. Əslində ilanların çoxalması kimi
məsələ yoxdur. Müəyyən miqdarda arta bilər və ya kiməsə indiyə kimi
rast gəlmirdi, indi rast gəlib. Yekun nəticədə, əhalinin
rastlaşmasını nəzərə alsaq, ildən ilə çox fərq olmayacaq. Bu
ərəfədə həmişə əlaqə saxlayır və deyirlər ki, sürünənlər çoxalıb.
Əslində isə rast gəlmək sayı böyükdür. Hər şeydə ehtiyat lazımdır.
Təbiətdə ilanlardan daha pis gənələr var və çox sayda, təhlükəli
xəstəlik yayırlar. İlanlarla bağlı əlbəttə, ehtiyatlı olmalıyıq.
Belə bir şey mövcud deyil ki, hansısa konkret əraziyə gedək və
bütün ilanları təbiətdən çıxaraq. Sadəcə hansı növün daha çox
problem yaratdığını qeyd edə bilərik. Necə ki, sərçə gəlir və ağaca
qonur, ilan da elə sürünüb gələ bilər.”
Araşdırmaçı bildirdi ki, sürünənlərin konkret ərazidə peydah
olması, qismən antisanitariya ilə də əlaqədardır. Ancaq bu müəyyən
qədər dolayı əlaqədir.
“Burada dolayı təsirdən danışa bilərik. Əgər bu bərk
tullantıdırsa ilan ondan yuva kimi istifadə edə bilər.
Antisanitariyaya görə, məslən, siçan və ya başqa növlər yayılırsa
avtomatik olaraq ilan növləri də arta bilər. Onlar da həmin
tullantılarla qidalana bilərlər. Bu əlbəttə dolayı yolla
əlaqəlidir. Elə yerlər var ki, antisanitariyadır, daha çox həşərat
ola bilər və həmin yerdən qida kimi istifadə edə bilər. Demək olar
ki, həmin ərazidə çoxala bilməz, sadəcə çox sayda ilan gələ
bilər.”
Gürcüstanda 24 növ ilan yayılıb. Onlardan 8 zəhərlidir və onlardan
insan həyatı üçün ən təhlükəli olanı gürzədir. Bunlara əsasən
Kaxeti regionunda, Kvemo Kartli və Tbilisinin Cənub-Şərqində
yerləşən sahələrdə rast gəlinir.