Gürcüstan Xalq Müdafiəçisi Apartının KvemoKartlidə erkən/uşaq yaşda
evliliklə bağlı zərərli təcrübələrlə bağlı apardığı araşdırmasına
əsasən, etnik azərbaycanlı icmada sorğuda iştirak edən valideynlər
erkən yaşda evlilik təcrübəsini mənfi qiymətləndirmirlər və onu
əcdadlarından qalmış adət kimi müzakirə edirlər.
Araşdırmaya əsasən, valideynlər hesab edirlər ki, ailə qurmaq hər
yaşda ağır yükdür və insan nə qədər az yaşda bu sahəyə daxil
olarsa, məsuliyyətini də o qədər tez dərk edər.
Fokus qrup iştirakçısı olan valideynlərin erkən evliliyin
qanunvericiliklə cəzalandırılması barədə məlumatı var. Ancaq hesab
edirlər ki, bu ittihamla əksər hallarda heç kim
cəzalandırılmır.
“Polisin və dövlətin mənim övladımı məndən çox sevdiyini sanmıram.
Mənim övladımın xoşbəxt olmasını məndən çox istəyə bilməzlər. Ona
görə də heç kim mənə ailəmdə və övladlarımla necə hərəkət etməli
olduğumu qadağan edə bilməz. Ehtiyacımız olanda kim gəlir və kim
bizə kömək edir?” – 48 yaşlı valideyn bildirir.
Araşdırmya görə, valideyn qadınlardan ibarət fokus qruplarda
iştirak edən müsahiblər hesab edirlər ki, erkən yaşda evlilik
təcrübəsinə əsasən qadın və qızlar qarşı çıxır. Ancaq erkən yaşda
evliliklə bağlı məhz qadın müsahiblər radikal fikirlər
səsləndirirdilər.
“Mən ölməliyəm ki, qızımı erkən yaşda evləndirə bilsinlər. Mən özüm
uşaq-gəlin idim. 14 yaşımda evləndirdilər, həyatı, ailəni dərk
etmirdik və məni qarşıda nə gözlədiyini də bilmirdim. İntim
həyatıma erkən yaşda başalamağımdan yaranan sağlamlıq problemləri
indi də məni narahat edir. Ona görə də yaşlarının az olmasına
baxmayaraq, hər üç uşağımla da bu məsələlərlə bağlı fəal olaraq
söhbət edirəm. Öz təcrübəmdən bilirəm ki, ana tərəfindən ciddi
mövqe irəli sürmək nə dərəcədə mühümdür”, – 33 yaşlı
ana deyir.
Araşdırmaya görə, valideynlər hesab edirlər ki, erkən yaşda
evliliklə bağlı qərarlar uşağın marağından yaranır.
“Əksər hallarda valideynlər təhlükəsizlik və övladlara qayğı
məsələləri barədə də danışırlar. Valideynlərdən ibarət fokus qrupun
iştirakçılarının müzakirəsinə əsasən, əksər hallarda kəndlərdə
nəqliyyat və küçə işıqlarının olmaması insan təhlükəsizliyinin
qorunması ilə bağlı dövlətin qeyri-müvafiq qayğısının
nəticəsidir.
İştirakçılar bildirirlər ki, doğrudur, bu gün vəziyyət nisbətən
dəyişib. Ancaq problemlər yenə qalır. Valideynlərdən biri qeyd edir
ki, o, maddi vəziyyətindən irəli gələrək üç övladına təhsil verə
bilmir. Müvafiq olaraq, bir övladını seçməlidir, qalanları isə
işləməli, evlənməli, özlərini saxlamalıdırlar”, –
araşdırmada qeyd olunub.
Araşdırmanın nəticələrinə görə, erkən yaşda evliliyin ən mühüm,
dərin səbəbi sosial-iqtisadi problemlər, perspektivsizlik hissi,
patriarxatlıqdır. İnfrastruktur problemləri isə qızların təhsilə
əlçatanlığına, eləcə də erkən yaşda evlənməsinə təsir göstərir.
“Fokus qruplar və görüşlər nəticəsində aydın olur ki,
gənclər, eləcə də onların valideynləri erkən yaşda və ya uşaqların
evləndirilməsinin əsas səbəbi olaraq perspektivsizlikdən, kasıblıq
və patrairxatdan danışırlar.
Valideynlər bildirirlər ki, ictimai nəqliyyatın və küçə işıqlarının
olmaması, eləcə də polis əməkdaşlarının laqeydliyi şəraitində onlar
öz övladlarını heç yerə buraxmazdılar, çünki onlara təhlükə
yaranmasını istəmirlər”.
Xalq Müdafiəçisi Aparatı dövlətə kənddə yaşayan etnik azlıq
nümayəndəsi olan qızların təhsilinin maliyyələşdirilməsi üçün
xüsusi qrant ayırılmasını tövsiyə edir. Xalq Müdafiəçisi eləcə də
infrastruktur layihələrinin həyata keçirilməsi prosesində erkən
yaşda evliliyin qarşısının alınması və qızlara təhsilin
əlçatanlığına dəstəyinin müzakirə edilməsini də tövsiyə edib.
Araşdırma Gürcüstan Xalq Müdafiəçisi Aparatı tərəfindən, “Salam”
platforması ilə əməkdaşlıqla BMT-nin Əhali Fondunun (UNFPA)
Gürcüstan ofisinin dəstəyi ilə BMT-nin “Gender bərabərliyi üçün”
vahid proqramı çərçivəsində, İsveç hökumətinin maddi dəstəyi ilə
həyata keçirilir.
Araşdırmanın məqsədi erkən yaşda evliliyə dəstək olan valideynlərin
fikrinin və onların münasibətindəki dərin səbəblərin
araşdırılmasıdır.