Daxili İşlər Nazirliyinin Kvemo Kartli Polis Departamentinin
əməkdaşları aparılan operativ tədbirlər nəticəsində qəsdən
adamöldürmə və odlu silahın qanunsuz əldə edilməsi,
saxlanılma-daşınması ittihamı ilə 2000-ci il təvəllüdlü, keçmişdə
müxtəlif cinayətlərə görə mühakimə edilmiş F.D.-nı saxlayıblar.
Məlumatı DİN yayıb.
Törədilmiş cinayətə görə 10 ildən 15 ilə qədər həbs cəzası nəzərdə
tutulur.
İstintaq nəticəsində aydın olub ki, müttəhim cari ilin 3 iyul
tarixində Marneuli şəhərində odlu silahdan bir neçə dəfə atəş
açaraq 1976-cı il təvəllüdlü V.O.-ya xəsarət yetirib.
Aldığı xəsarətlər nəticəsində V.O. xəstəxanada dünyasını
dəyişib.
Polislər aparılan istintaq tədbirləri nəticəsində cinayəti
törətməkdə şübhəli bilinən şəxsi hadisədən sonra növbəti gün
saxlayıblar.
Cinayətdə istifadə olunmuş odlu silah maddi sübut kimi müsadirə
olunub.
Faktla bağlı Cinayət Məcəlləsinin 108-ci və 236-cı maddələri ilə
istintaq aparılır. Həmin maddələr qəsdən adamöldürməni və odlu
silahın qanunsuz əldə edilməsi, saxlanılması-daşınmasını nəzərdə
tutur.