Marneulidəki “Aversi” klinikasında koronavirusa yoluxmuş 6 nəfər
müalicə alır. Klinikanın rəhbəri Manana Kapanadze 6 iyuna olan
statistikanı bizə təqdim etdi.
O, bildirdi ki, əvvəlki aylarla müqayisədə yoluxma sayı artıb.
Xəstələrin vəziyyəti stabildir.
“Bütün ay ərzində 2-3 xəstə olurdu. İndi 6 xəstə var.
Dünən Bolnisidən üç nəfəri bizim klinikaya gətiriblər. Onların
vəziyyəti stabildir, yalnız bir nəfər ağır
vəziyyətdədir”, – Marneulidəki “Aversi” klinikasının
meneceri Manana Kapanadze bildirdi.
Koronavirusla bağlı test götürülən tibb müəssisələrindən biri də
“Geo Hospitals” klinikasıdır. Klinikadan bildirirlər ki, son bir
həftədə onlarda koronavirusa 4 yoluxma halı qeydə alınıb.
Son 24 saat ərzində Gürcüstanda koronavirusa 51 yoluxma halı qeydə
alınıb. 95 nəfər sağalıb, 1 nəfər isə dünyasını dəyişib.