Marneuli bələdiyyəsinin Kirovka kəndinin adının dəyişdirilməsi
prosesinə əhalinin qoşulması məqsədi ilə təşəbbüs qrupu yaradılıb.
Onlar Marneuli meriyasına məktubla müraciət ediblər.
Təşəbbüs qrupunun üzvləri meriyadan kənd toplantısının
keçirilməsini və kəndə veriləcək adın müzakirə olunmasını tələb
edirdilər. Amma Marneuli meriyası onlara rədd cavabı verib.
"Salam" platformasının üzvü Aytac Xəlilli bildirdi ki, Yerli
Özünüidarə Məcəlləsinə görə, vətəndaşların kənd toplantısı çağırmaq
hüququ var. Salam platformasının yazdığı məktuba cavab olaraq isə
meriya kənd əhalisinə, müəyyən və qeyri-müvafiq səbəbə görə bu
hüququ verməyib.
"Yerli Özünüidarə Məcəlləsində birbaşa yazılıb ki, kənd əhalisinin
ümumi toplantı çağırmaq hüququ var. Məcəllədə yazılmış bütün
maddələrin hissələrinə xüsusi diqqətlə yanaşırdıq. Ancaq təəssüf
ki, rədd cavabı gəldi. Cavabda görünür ki, yerli özünüidarə faktiki
olaraq bu hüququ məhdudlaşdırır və əhalinin prosesə qoşulmasını
istəmir. O, nəzərdə tutulmuş səlahiyyətlərə göz yumur və əksinə,
vətəndaşların bu mexanizmə qoşulmasını
məhdudlaşdırır".
Bələdiyyə Məclisinin 19 aprel tarixində keçirilmiş iclasında
Bələdiyyə Məclisi Aparatının rəhbəri Nino Beridze Kirovka kəndinin
adının dəyişdirilməsi ilə bağlı çıxış edib. Beridzenin sözlərinə
görə, kənd əhalisi təklif olunan beş addan ikisini seçib. Kənd
"Yaşıl təpə" və ya "Dostluq" adlandırılmalı idi. Kirovka
sakinlərinin bir qismi üçün bu ad qəbuledilməz idi və onlar kəndin
"Mameyi" adlandırılmasını tələb edirdilər.
"Salam"-ın üzvü Aytac Xəlilli bildirdi ki, kəndlərə adın verilməsi
prosesində qanuna uyğun olaraq yerli özünüidarə qoşulmalıdır.
Müvafiq olaraq onların bu məsələ ilə bağlı toplantı keçirmək
öhdəliyi var.
"Belə cavab aldıq, xahiş edirik, Mameyi toponimi haqqında əlavə
məlumat verəsiniz, məsələn, Mameyi kim idi. Çox mənasız arqument
idi və tələb edirdilər ki, elmi baxımdan Mameyinin hansısa tarixi
şəxsiyyət olduğunu, vətən üçün nə isə etdiyini təsdiq edək. Üç
bəndlik qeyri-müəyyən sözlərdən ibarət cavab
aldıq".
Salam platformasının üzvünün sözlərinə görə, Marneuli meriyasından
aldıqları məktub birbaşa əhalinin yerli özünüidarə prosesinə
qoşulmasına mane olur və bildirir ki, bu yolla meriya Kirovka
sakinləri ilə yanaşı başqa kənd əhalisinə də mesaj göndərdi ki,
özünüidarə onları dinləməyəcək.
"Meriyanın belə yanaşması birbaşa əhalinin yerli özünüidarədə
iştirakına mane olur. Tez-tez deyirik ki, əhali meriyaya müraciət
etməyib və nihilizm təəssüratı var idi. Mənim fikrimcə meriya
tərəfindən belə addımların atılması bu gün əhalidə güclü nihilizmə
səbəb olub. Bir tərəfdə bütün berketlərdən yararlanmaq, meriya
qarşısında sözünü demək istəyən adamlar var. Digər tərəfdə isə
meriya dayanır. Meriya özü bu proseslə maraqlanmalıdır. Əksinə, bu
prosesə mane olurlar və əsassız, mənasız cavab verirlər. Bu addımla
Marneuli meriyası yalnız Mameyi əhalisinə deyil, başqa kənd
sakinlərinə də işarə edir ki, onları dinləməyəcəklər. Bu isə
yekunda xoşagəlməz nəticəyə səbəb ola bilər".
Aytac Xəlillinin sözlərinə görə, Salam platforması bu gün,18 iyulda
Marneuli meriyasına bir daha məktubla müraciət edib. Platformanın
gələcək planları da qeyd olunan məktubun cavabından asılı olacaq.
O, bildirir ki, meriyadan yenə rədd cavabı alsalar, təşkilat
əhalinin tələbinin yerinə yetirilməsi üçün bütün hüquqi yollardan
istifadə edəcək.