Marneuli meriyası tərəfindən 13 fevral tarixində baş vermiş zəlzələ
nəticəsində ziyan dəymiş özəl evlərin bərkidilmə/bərpa işləri üçün
elan edilmiş üç tender baş tutmayıb.
Tenderlərin pozulmasına görə, Marneuli meriyası ziyan dəymiş
evlərin bərkidilmə/bərpa işləri üçün sadələşdirilmiş müqavilə
bağlamağa qərar verib.
“Əgər tender komissiyası müvafiq işləri almaq üçün yenidən elektron
tender yolu ilə davam edəcəksə buna minimal hesablama ilə ən az
40-50 günlük vaxt məsafəsi lazım olacaq ki, işlər müqavilə
bağlamağa qədər gedib çıxsın. O da əgər elektron tender baş tutarsa
və bütün tender proseduru müsbət , hər növ sənəd/prosedur
maneələrindən kənar olarsa. Buna müvafiq olaraq tender prosedurları
üçün lazım olan, yuxarıda qeyd olunmuş vaxta uyğun
infrastruktur/bərkitmə, bərpa layihəsinin həyata keçirilməsi üçün
də əlavə tender sənədləri ilə müəyyən edilmiş 90 günlük vaxt
verilir. Bu müddət zəlzələ nəticələrini aradan qaldırmaq/ ləğv etmə
tədbirlərini tam aparmaq üçün lazımdır. Həm də vaxtında, cari ilin
büdcəsi çərçivəsində həyata keçirilsin. Ona görə də vəziyyət
təxirəsalınmaz vaciblik daşıyır”- Marneuli
meriyasının Maliyyə-Büdcə Xidmətinin rəhbərinin izahatnaməsində
yazılıb.
Marneuli meriyası bələdiyyə miqyasında 21 özəl yaşayış evinin
bərkitmə/bəpra işlərini aparmağı planlaşdırır. Bunun üçün 107 977
lari 42 tetri dəyərində sadələşdirilmiş alqı-satqı elan edib.
İlk əvvəl yerli özünüidarə işlərin həyata keçirilməsi üçün üç
tender elan etmişdi. Tenderlərə görə, Daştəpə, Qasımlı, Qaçağan,
Şulaveri və Yuxarı Saralda evlərin bərkitmə/bərpas işləri üçün 39
391 lari nəzərdə tutulmuşdu. Mollaoğlu, Sadaxlı, Xocorni və Tsopidə
özəl yaşayış evlərinin bərkitmə/bərpa işlərinə 33 823 lari
dəyərində tender elan edilmişdi. Candar məntəqəsində, Nəsimi k. 16;
Marneuli, Rustaveli küçəsi 75e; Marneuli, Uiarağo k. 1, Marneuli,
Jordaniya k.32; Candar məntəqəsi, 9 qardaş k. 25 və Candar kəndində
özəl yaşayış evlərinin bərkitmə/bərpa işlərinin alqı-satqısı üçün
34 842 lari ayrılmışdı. Qeyd edək ki, hər üç tender baş
tutmayıb.
13 fevral, saat 22:25-də, Dmanisidə, Sameba kəndinin yaxınlığında
6,2 bal gücündə zəlzələ qeydə alınmışdı. Güclü təkanlar Marneulidə
də hiss olunurdu.