Bu ilin aprel ayında, Gürcüstanda bir qrup gənc tərəfindən
texnoloji ekosistem yaradılıb.
Gənclər tərəfindən yaradılan texnoloji ekosistem gənclərlə birlikdə
IT sahəsində çalışmaqdır.
Texnoloji ekosistemin təsisçilərindən biri olan Amil Bayramov
“Marneuli” radiosu ilə söhbəti zamanı bildirdi ki, onların əsas
məqsədi texnologiyaya marağı olan gəncləri bir araya toplayaraq,
əməkdaşlıq etməkdir.
“2023-cü ilin aprel ayında bir qrup istedadlı gənc
texnoloji ekosistem yaratmaq qərarına gəldik. Belə bir qərara
gəlməyimiz zamanın tələbi və ehtiyacı olduğundan qaynaqlanır.
Texnoloji ekosistemin mahiyyəti texnologiya, biznes, innovasiya və
startap sevərləri bir araya gətirib, əməkdaşlıqlar qurmaqdır.
Hazırda ekosistem tam virtual olaraq onlayn şəkildə uğurla
fəaliyyət göstərir. Ekosistemin adını Startup Network qoyan
təşəbbüskarlardan biri mənəm. Digər təşəbbüskarlar isə Cavid
Mergen, Qara İsmayılov, Raznahan Hümbətovdur. Bu təşəbbüsə sonradan
digər gənclər də qoşulmaqla ekosistemin qurulmasında dəstək olmağa
başladılar. Onlar Ayhan Ayvazov, Lalə Sofiyeva, Musa Hacıyev,
Nurcan Əmircanova, Rəşad Qurbanov və digər
gənclərdir”.
Bayramovun sözlərinə görə, ekosistemin daxilində müvafiq komandalar
qurulub. Hal-hazırda bu şəbəkə gündən günə böyüyür.
“Ekosistem özünü quran və özünü idarə edən sərbəst bir
şəbəkədir. Ekosistem daxilində müvafiq komandalar qurulub, hansılar
ki avtonom şəkildə prosesdə birgə iştirak edirlər. Hazırda Startup
Network ekosistemin nəzdində 3 layihə var. Gələcəkdə yeni
startaplar qurulub, ekosistemə daxil olması gözlənilir. Gənclər öz
aralarında Startup Networku qısaca SN olaraq adlandırırlar. SN
gündən günə böyüyür. SN-nin genişlənməsi əsasən IT sahəsində
fəaliyyət göstərən insanlar sayəsində artır. SN-ə qoşulmaq istəyən
şəxslər çoxdur. Hamı SN-nin anketini doldura bilər, amma müvafiq
təhlil və uyğunluqdan sonra müəyyən sayda insan qoşulma imkanı əldə
edə bilir. Bütün prosesləri avtomatlaşdırmaq və beləliklə gələcəkdə
daha effektli bir şəbəkəyə çevrilməyə
iddialıdırlar”.
Amil Bayramovun dediyinə görə, onların təsis etdiyi ekosistemin
mərkəzi Tbilisidədir. Digər ölkələrdən də onların üzvləri var.
“Hazırda müxtəlif ölkədə yaşamaqla ekosistemdə
fəaliyyət göstərən çoxlu sayda gənc var. Misal, Gürcüstan,
Azərbaycan, Türkiyə, Bosniya və Herseqovina, Almaniya, İtaliya və
s. Hazırda, formal olaraq, ekosistemin mərkəzi Tbilisi şəhəridir.
Ekosistemin bəhrəsini yaxın gələcəkdə hiss edəcəyik. Nəzərinizə
çatdırmaq istərdik ki, hazırda Startup Network ilk Gürcüstan
mənşəli Azərbaycandilli virtual
ekosistemdir”.
Bayramov onu da qeyd etdi ki, onlar bu sistemi genişləndirərək
komandalarına daha çox gənci cəlb edərək, onlara dəstək olmaq
istəyirlər.
SN-nin anketini doldurmaq üçün linkə daxil olun:
docs.google.com/forms
Əlavə məluma üçün keçid edin:
www.theinvestor.ge