Marneuli yerli özünüidarəsi 35 fərdi kompüterin alınması ilə bağlı
tender çərçivəsində “UGT” MMC ilə müqavilə bağlayıb.
Tenderin izahatnaməsinə görə, Marneuli meriyasına vəzifə
funksiya-öhdəliklərini müvafiq şəkildə yerinə yetirməsi məqsədi ilə
fərdi və portativ kompüterlər lazımdır.
Meriya “UTG” MMC-dən yalnız 35 fərdi kompüter alıb. İzahatnaməyə
görə, meriya əlavə 10 ədəd noutbuk da alacaq.
“Təhvil verən alış-veriş edən obyektə 3 (üç) illik
zəmanət xidməti verməlidir. Xidmətə əsasən, kompüterin sıradan
çıxması halında 10 iş günü ərzində təmir ediləcək, yaxud yenisi ilə
əvəz ediləcək. Mal zavod qaydasında hazırlanmış olmalıdır, eyni
zamanda yeni, orijinal, qüsursuz, daşınma üçün təhlükəsiz
qablaşdırmada olmalıdır. Təhvil verən alıcı obyektin sifarişini 24
aprel 2024-cü il tarixinə qədər həyata keçirməlidir”,
– müqavilədə qeyd olunub.
Müqaviləyə görə, bir ədəd fərdi kompüter 1850 laridir, meriya 35
kompüterin alınmasına 64 750 lari xərcləyəcək.