Sadaxlı-Tbilisi istiqamətində hərəkət edən qatar pandemiyadan sonra
hərəkətini bərpa etməyib.
“Gürcüstan Dəmiryolundan” “Marneuli” radiosuna bildirdilər ki,
marşrutun bərpası hələ müzakirə olunmur.
Qatarın bərpasını Marneulinin bir neçə kənd əhalisi tələb edir.
Mülki fəal Aram Akopyan bildirir ki, Qırmızıkənddə, Maradisi və
Şulaveridə təşviqat kampaniyası aparan ilk şəxslərdən biri onlar
idi.
Fəaliyyət Rondelli Fondu və Niderland səfirliyinin maliyyə dəstəyi
ilə həyata keçirilib. Aram deyir ki, qatarın bərpası kənd
təsərrüfatı ilə məşğul olan adamlar, tələbələr, aztəminatlı ailələr
üçün mühümdür.
Sadaxlı-Tbilisi qatarı gündə iki reys həyata keçirirdi və dəmiryolu
kənarında yerləşən kəndlərin sakinləri ondan istifadə edirdilər.
Çox adam üçün bu məhsulları Tbilisidə satmaq üçün yeganə vasitəsi
idi.