Dörd ay ərzində Marneulinin Opreti kəndində içməli su nasosu ikinci
dəfə sıradan çıxıb.
Marneuli meriyasının fərdi sahibkar Qiorqi Katsitadze ilə
imzaladığı sadələşdirilmiş müqaviləyə əsasən, 21 fevral 2024-cü il
tarixində Opreti inzibati ərazi vahidliyinin nümayəndəsi şəhər
meriyasına kənddə quraşdırılmış içməli su nasosunun mühərrikinin
sıradan çıxması barədə məlumat verib. Buna görə, Xoxmeli və Opreti
kəndlərinə içməli su verilmirmiş.
“Yuxarıda qeyd olunanlarla əlaqədar biz məsələni
yerində araşdırdıq və problemin həlli üçün içməli su mühərriki (30
kvt 2940 dövriyyə/dəq), texniki hissələrin alınması və elektrik
şkafının təmiri-quraşdırma xidməti lazımdır", –
sadələşdirilmiş müqavilədə qeyd olunub.
4 mart tarixində Marneuli yerli özünüidarəsi fərdi sahibkar Qiorqi
Katsitadze ilə 9990 lari dəyərində sadələşdirilmiş müqavilə
imzalayıb.
Marneuli meriyası 2023-cü ilin noyabr ayında Opreti kəndində içməli
su nasosunu təmir etmişdi. Yerli özünüidarə mərkəzi nasosun
alınması və quraşdırılması üçün fərdi sahibkar Boris Beçviaya 6000
lari 30 tetri ödəyib.
Qeyd edək ki, 2024-cü ilin büdcəsində Marneuli Bələdiyyəsinin
Opreti kəndinə yeni su xəttinin çəkilməsi nəzərdə tutulub və bunun
üçün 350 027 lari ayrılıb.