7 mart tarixində, təxminən saat 22:00 radələrində Marneuli
şəhərinin Rustaveli küçəsində yol-nəqliyyat hadisəsi baş verib.
Hadisə zamanı avtomobil piyadanı vurub, sonra isə daha iki
avtomobillə toqquşub.
Marneulinin "Aversi" klinikasından "Marneuli" radiosuna bildiriblər
ki, xəsarət almış piyadanı əvvəlcə onların klinikasına
aparıblar.
"Xəsarət almış şəxsi bizim klinikaya gətirdilər.
Vəziyyəti çox ağır idi. Onurğadan ağır xəsarət almışdı. Bizim
reanimasiyada yer yoxdur və xəstəni dünən Tbilisiyə, "Jerars"
klinikasına apardılar", – Aversi klinikasının
meneceri bildirdi.
Daxili İşlər Nazirliyindən "Marneuli" radiosuna verilən məlumata
görə, faktla bağlı Cinayət Məcəlləsinin 276-cı maddəsi ilə istintaq
aparılır. Həmin maddə nəqliyyat vasitəsinin hərəkət təhlükəsizliyi
və istismarı qaydalarının pozulmasını nəzərdə tutur.