“Era teatrı”nın aktyoru Elnur Vəlizadənin lentə
aldığı “Su həyat mənbəyidir” adlı qısametrajlı filmi Tbilisi
Meriyasının nəzdində fəaliyyət göstərən “Tbilisi İdman və Gənclər
Mərkəzi” tərəfindən elan edilən müsabiqənin qaliblərindən olub.
Müsabiqənin şərtlərinə görə, iki qalib elan edilib. Belə ki,
müsabiqə iştirakçılarının lentə aldığı qısametrajlı filmlər
münsiflər heyəti və “Facebook”da gələn bəyənmə sayına görə
seçilib.
Elnur Vəlizadənin “Su həyat mənbəyidir” adlı qısametrajlı
filmi “Tbilisi İdman və Gənclər Mərkəzi”nin “Facebook”
səhifəsində filmlərə/videolara gələn bəyənmə sayına görə qalib
olub. Digər qalib
Tbilisili Maya Pipxadzenin çəkdiyi “Ətraf mühitlə
bağlı problemlər” adlı qısametrajlı film isə münsiflər heyəti
tərəfindən qalib elan edilib.
Teatrın aktyoru və bədii rəhbərin müavini olan Elnur Vəlizadə
“Marneuli” radiosu ilə söhbəti zamanı bildirdi ki, müsabiqədə qalib
olmaq gözəl bir hissdir və bunu sözlə ifadə etmək olmur.
“Müsabiqədə qalib olmaq olduqca xoş hissdir. Əsasən də
komanda olaraq işləməyin gətirdiyi qalibiyyət xüsusilə
qürurvericidir. Hazırda daha böyük bir müsabiqəyə hazırlaşırıq.
Komandamızın əhval-ruhiyyəsi yüksəkdir. İzləyicilərimiz və
dəstəkçilərimizdən aldığımız stimul ilə bu yarışda da uğur
qazanacağımıza inanırıq. Çünki çox qeyri-adi və orijinal bir
ssenari üzərində işləyirik”.
“Tbilisi İdman və Gənclər Mərkəzi” tərəfindən elan edilmiş
müsabiqənin iştirakçılarına sertifikatları təqdim olunub. Qaliblərə
isə sertifikatla yanaşı hədiyə çekləri də verilib.
“Su həyat mənbəyidir” adlı qısametrajlı filminin komanda
heyəti:
- İdeya müəllifi: Anar Rafiqoğlu;
- Rejissor&aktyor: Elnur Vəlizadə;
- Operator: Nicat Hüseynov, Seymur
Mərdəliyev;
- Fotoqraf: Qurban Vəliyev;
- Stilist: Elvin Xanbabayev;
- Köməkçi: Ruslan İsmayılov.
Qeyd edək ki, müsabiqə Tbilisi meriyasının nəzdində fəaliyyət
göstərən “Tbilisi İdman və Gənclər Mərkəzi” tərəfindən elan edilmiş
beynəlxalq çağırış olan “Yer saatı”na həsr olunub. Layihənin əsas
məqsədi gənclərin qlobal ekoloji problemlər haqqında
məlumatlılığının artırılması və bu istiqamətdə yaradıcı
baxışlarının dəstəklənməsidir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415