Mamuka Xazaradzenin ictimai hərəkatının adı “Lelo” olacaq (VİDEO)
12:48 / 12.09.2019
Mamuka
Xazaradzenin ictimai hərəkatının adı “Lelo”
olacaq.
Bu barədə məlumatı yeni təşkilatın təsisçisi Mamuka Xazaradze bugün
Anakliada keçirilən təqdimatda verib.
Mamuka Xazaradze təqdimatda Qalaktion Tabidzenin “Mənim doğma
vətənim” şerini oxuyub.
Xazaradze həmçinin, Anaklianın və yeni hərəkatının təqdimatının
məhz orada keçirilməsinin əhəmiyyəti haqqında danışıb.
“Biz bugün Anakliadayıq, bizi abxaz
qardaş-bacılarımızdan ayrı salan xəttin yanında... Bura Avropaya ən
yaxın olan nöqtədir. Bu yerdə Gürcüstan üçün çox mühüm bir məntəqə
yaradılmalıdır.
Məhz bu yerdə, yüzlərlə iş yerinin açılacağı, nəhəng layihə həyata
keçiriləcək. Bu layihə ilə Gürcüstanın dünya xəritəsində xüsusi
yeri olacaq və biz bu layihəyə öz töhfəmizi verəcəyik. Buradan
bizim Avropaya doğru gedən vektorumuz təsdiqlənəcək”
–Mamuka Xazaradze deyib.