İrakli Qaribaşvili gürcü sülhməramlıları ilə görüşmək üçün Əfqanıstana gedir
Gürcüstanın Müdafiə naziri İrakli Qaribaşvili
gürcü sülhməramlıları ilə görüşmək üçün Əfqanıstana
gedir.
Müdafiə naziri bu barədə məlumatı Əfqanıstan və Afrika qitəsində
dislokasiya olunmuş gürcü sülhməramlıları ilə telekörpü vasitəsi
ilə söhbəti zamanı verib.
Müdafiə Nazirliyinin məlumatına görə, Gürcü sülhməramlıları İrakli
Qaribaşvilini Müdafiə naziri təyin edilməsi münasibəti ilə təbrik
ediblər və ona müvəffəqiyyətlər arzulayıblar.
Telekörpü vasitəsi ilə söhbəti zamanı Müdafiə naziri əsgərlərə
deyib ki, onlara hər zaman dəstək verəcək və hər bir əsgərin dostu
olacaq.
Müdafiə naziri bildirib ki, əsgərlərin sosial vəziyyətlərinin daha
yaxşı olması üçün əlindən gələni edəcək.
İrakli Qaribaşvili həmçinin, bəyan edib ki, o Əfqanıstana gedib,
oradakı gürcü əsgərlərinin şəraitləri ilə şəxsən tanış olacaq.
Gürcüstanın Müdafiə naziri beynəlxalq təhlükəsizliyin təmin
edilməsində gürcü sülhməramlılarının böyük rolu və xarici
tərəfdaşlar tərəfindən onlara müsbət dəyər verilməsi barəsində də
söz açıb.