“2018-ci ildə 389 intihar və 477
intihara cəhd faktı qeydə alınıb. 2019-cu ilin 6 ayı ərzində isə
219 nəfər intihara cəhd edib, 207 nəfər isə intiharla həyatına son
qoyub”, – bu haqda Xalq Müdafiəçisi Nino Lomcaria
jurnalistlərlə söhbəti zamanı bildirib.
Lomcarianın bəyanatına görə, psixi səhiyyə Gürcüstanda ən problemli
sahələrdən biridir və “buna baxmayraq dövlət etiraf edib ki,
intiharın qarşısını almaq üçün proqram hazırlamalıdır, bizim ölkədə
belə proqram yoxdur”.
Xalq Müdafiəçisi qeyd edib ki, psixi problemlər çox hallarda
psixotrop maddələrin təsirindən yaranır.
“Təəssüf ki, psixi səhiyyə məsələləri yalnız müəyyən
faciəvi hadisələr, bədən xəsarətləri, yaxud daha ağır hallar baş
verən zaman yadımıza düşür. Psixi səhiyyə sahəsində, müəyyən qədər,
son illərdə büdcə maliyyəsi artırılır, amma əsasən bu məbləğlər
infrastruktur və bərpa işlərinə istiqamətlənir. Müəyyən
stasionar-psixi müəssisələrdə həqiqətən də vəziyyət yaxşılaşıb,
ancaq bu sahədəki mövcud problemlərlə müqayisədə çox azdır.
İlk növbədə biz uzun zamandır ki, icmaya əsaslanan xidmətlərə
keçməyi tələb edirik, təəssüf ki, bizim uzunmüddətli müalicə üçün
nəzərdə tutulmuş xidmətlərimiz var və xəstələr orada bütün həyatı
boyu yaşayırlar. Onların müstəqil yaşam üçün bacarıqları yoxdur,
qeyd olunan müəssisələrini tərk edə bilmirlər və ailələri də onları
qəbul etməkdən imtina edir. Bundan əlavə psixi və səhiyyə
problemlərinin erkən mərhələdə müəyyənləşdirilməsi və müalicəsi
problemlidir. Keçən il xəstəxanaya yerləşdirildikdən sonra
xəstələrin 37% müalicəni davam etdirib. Bu dövlət tərəfindən az
diqqət ayrılan sahədir”, – Xalq Müdafiəçisi
bildirib.
Onun sözlərinə görə, çox hallarda psixi problemlər psixotrop
maddələrin təsirindən baş verir və belə hallarda dövlətdə narkoloji
və ya psixi müəssisələr arasında düzgün koordinasiya yoxdur.
“Çox hallarda psixi problemlər vaxtında və müvafiq müalicə
aparılmadığına görə inkişaf edir. Bir tərəfdən narkoloji
müəssisələrdə müvafiq şərait yoxdur ki, psixi baxımdan müalicə
olsunlar, psixi müəssisələrdə isə narkoloji xəstələrin idarə olunma
imkanları yoxdur”, –Lomcaria deyir.
10 oktyabrda dünya psixi sağlamlıq günü qeyd olunur. Bu il
beynəlxalq psixi sağlamlıq günü intiharın qarşısının alınmasına
həsr olunub.
Mənbə: İnterPressNews