Futbolun İnkişaf Fondu xərclənən vəsaiti açıqlayıb
Gürcüstan Futbolunun
İnkişaf Fondu 2019-cu ildə xərclənən vəsaitin böyük hissəsini uşaq
futbolunun inkişafına sərf edib
– bu haqda fondun
rəsmi səhifəsində yayımlanan məlumatda qeyd olunub.
Hesabata əsasən 2019-cu ildə fondun və Futbol Federasiyasının birgə
layihəsinə, tədris, kütləvi və uşaq futbolunun inkişafına 3, 035,
152 lari xərclənib.
Tədris layihələrinin maliyyələşdirilməsi üçün 224,670 lari ayrılıb,
kütləvi futbolun inkişafı üçün 900,000, uşaq futbolu üçün – 1,91
milyon xərclənib. Vəsaitin böyük hissəsi, 1,12 milyon lari 92
futbol məktəbinə texniki yardım üçün köçürülüb. Bundan əlavə
məktəblərə lisenziya verilməsindən sonra dörd seçilmiş futbol
akademiyasına inkişaf və infrastrukturun qaydaya salınması üçün
480,000 lari köçürülüb.