Müxalifətin ümumi reytinqi "Gürcü arzusunun" reytinqindən yüksəkdir - NDİ
Sabah parlament
seçkiləri keçirilərsə, “Gürcü arzusu” səslərin 20 faizini
toplayardı, müxalifət isə ümumilikdə 38% səs
yığardı.
Bu haqda NDİ-ın
apardığı araşdırmada bildirilir.
NDİ-ın bəyanatına görə, araşdırma yeni metodla aparılıb.
Respondentlərə planşet verilib və onlar müstəqil şəkildə cavabları
nişanlayıblar.
Həmin araşdırmaya görə VMH-ın reytinqi 13 faizdir, Avropalı
Gürcüstan/Azad Demokratlar – 8%, Leyboristlər – 5%, Vətənpərvərlər
Alyansı – 4%, Yeni Gürcüstan – 3%, Müstəqil Hərəkat – 3%, Qirçi isə
2%-reytinq qazanıb.
Sentyabrda yayımlanan NDİ-ın araşdırmasında “Gürcü arzusunun”
reytinqi (20%) idi və bu nəticə dəyişməyib, ancaq VMH-ın və
Avropalı Gürcüstanın dəstəyi artıb. Sentyabrda VMH-ın reytinqi 9%,
Avropalı Gürcüstanın isə 4% idi.
Respondentlərin 26%-i deyir ki, kimə səs verəcəyini bilmir, 19% heç
bir partiyaya səs verməyəcəyini qeyd edib, VMH-9% səs verərdi, 9%
isə cavabdan imtina edib, 4% Vətənpərvərlər Alyansına, 4% Avropalı
Gürcüstana səs verərdi.
Qeyd etmək lazımdır ki, araşdırmaya “Lelo” hərəkatı düşməyib.
NDİ-ın açıqlamasına görə, partiyaların siyahısında ötən araşdırmada
ən az 1% səsə toplamış partiyaları yer alıb.
Araşdırmada eləcə də köhnə və yeni metodlar arasındakı analiz
müqayisəsinə də yer verilib.