Gürcüstanın həbsdə olan keçmiş müdafiə naziri Baço Axalaya azadlığa buraxılacaq.

Ötən ilin noyabrında 9 illik həbs müddəti başa çatan sabiq nazir martın 1-də saxlanıldığı Rustavidəki 12 saylı cəzaçəkmə müəssisəsini tərk edəcək.

B. Axalaya həbsdə olduğu müddətdə mediaya açıqlamasında bildirib ki, azadlığa çıxdıqdan sonra müxalif “Vahid Milli Hərəkat” partiyasına qayıtmayacaq.

Qeyd edək ki, B. Axalaya 2011-ci ildə həbsdə olan Gürcüstan ordusunun polkovniki Serqo Tetradzenin qətli ilə əlaqədar həbs edilib.