Qaynanası 2022-ci ildə Gürcüstanın müdafiə nazirinin həyat yoldaşına 30 min dollar verib. Nazirin özü hədiyyə ilə bağlı məlumatı 23 may 2023-cü il tarixində doldurulmuş bəyannamədə əks etdirib.

Keçən il Nino Mxeidze qayınanasından ər və arvadın bütün il ərzində qazandığı puldan çox pul alıb: nazir 2022-ci ildə maaş olaraq 68 834 lari, həyat yoldaşı isə 1 532 lari alıb.

Elə 2022-ci ildə Burçuladze ipoteka kreditini ödəmək üçün iki banka 23 min dollardan çox vəsait ödəyib.

2022-ci il yanvarın 1-dən dekabrın 31-dək 1 dolların dəyəri 2,67 lari ilə 3,4 lari arasında dəyişib. Müvafiq olaraq, məlum olur ki, nazirin ailəsi anasından ən azı 80 min lari, ən çoxu isə 102 min lari hədiyyə alıb.
Nazirin 8 övladı var. Onlardan beşi haqqında məlumatlar bəyannamədə yer alıb - onlardan birini nənəsi 5000 lari maliyyələşdirib.

Bu, ilk dəfə deyil ki, ölkənin ən yüksək vəzifəli şəxsləri öz əmlak bəyannamələrində valideyn və ya həyat yoldaşının valideynindən çoxminlik hədiyyə aldıqlarını göstərirlər. Məsələn, Gürcüstanın baş naziri İrakli Qaribaşvilinin 2022-ci il oktyabrın 29-da doldurduğu əmlak bəyannaməsinə əsasən, 2021-ci ildə o, valideynlərindən hədiyyə olaraq 150 min lari alıb. O, 2021-ci ildə də ailəsindən 150.000 lari hədiyyə aldığını elan edib.