Gürcüstana idxal olunan una müvəqqəti olaraq idxal rüsumunun
tətbiqi planlaşdırılır.
Bu barədə qərar ETSN-də nazir və taxıl, buğda və un istehsalçıları
assosiasiyaları və Çörək istehsalçıları birliyinin nümayəndələri
ilə keçirilən görüşdən sonra qəbul edilib.
Mətbuat xidməti qeyd edir ki, yerli bazarda satışın təşviqi
məqsədilə iyunun 10-dan etibarən idxal olunan una 5 ay müddətinə
idxal vergisinin tətbiqi nəzərdə tutulur.
“Bizim sahəyə cəlb olunmuş bütün nümayəndələrlə intensiv görüşlər
keçirdik və biz elə şərtlərlə razılaşdıq ki, bu da bir tərəfdən
ölkədə çörəyin qiymətinin saxlanmasını, digər tərəfdən də
zavodların rəqabətqabiliyyətli işləməsini təmin
edir”, - deyə nazir Otar Şamuqia bildirib.
Buğda istehsal edən fermerlər dəfələrlə aksiya keçirərək,
Gürcüstana idxal olunan una vergi qoyulmasını tələb ediblər. Daha
sonra Kənd Təsərrüfatı Nazirliyinin nümayəndəsi onların problemini
həll edəcəyinə söz verib.