Azərbaycanın iqtisadiyyat naziri Mikayıl Cabbarov iyunun 2-də
Gürcüstana səfər edəcək.
O, həmin gün Tbilisidə Ümummilli lider Heydər Əliyevin 100 illiyinə
həsr olunan Azərbaycan-Gürcüstan biznes forumunda iştirak
edəcək.
Tədbir İxracın və İnvestisiyaların Təşviqi Agentliyi – AZPROMO və
Gürcüstanın Ticarət və Sənaye Palatasının birgə təşkilatçılığı ilə
baş tutacaq. Foruma rəsmi şəxslərlə yanaşı müxtəlif sahələrdə
fəaliyyət göstərən iş adamları da qatılacaq.
Tədbir çərçivəsində Azərbaycan və Gürcüstanın investisiya imkanları
barədə təqdimatlar və B2B formatlı görüşlər keçiriləcək.
M.Cabbarovun səfər çərçivəsində Gürcüstan baş nazirinin müavini,
iqtisadiyyat və dayanıqlı inkişaf naziri Levan Davitaşvili ilə
görüşü də planlaşdırılıb.
Mənbə: mediapost.az