Hökumət: 2024-cü il iyulun 1-dən müəllimlərin maaşları artacaq
Gürcüstan hökumətinin qərarına əsasən, 2024-cü il iyulun 1-dən müəllimlərin əməkhaqqı ilə bağlı yeni siyasət həyata keçiriləcək və müəllimlərin əməkhaqqı artacaq.

Hökumətin ən mühüm prioritetlərindən biri şagirdlərə keyfiyyətli təhsil verməkdir ki, bunun da ilkin şərti müəllimlərin layiqli əmək haqqının təmin edilməsidir. Tədris saatlarının sayını, iş təcrübəsini, akademik keyfiyyəti və təbii ki, mövcud statusları nəzərə alan yeni əmək
haqqı sistemi məhz buna xidmət edir.

Yeni siyasətə əsasən, bütün dövlət məktəblərinin müəllimləri və xüsusi müəllimlərin maaşı orta hesabla 500 lari artacaq.

Bu gün sistemdə 52 mindən çox müəllim var və orta hesabla
  • 21000-dək müəllimin əmək haqqı - 500 lari
  • 8000-ə qədər müəllimin əmək haqqı - 600 lari
  • 5000-ə qədər müəllimin əmək haqqı – 700 lari
  • 3000 müəllimin əmək haqqı 800 lari artır ki, bu da müəllimlərin 70%-dən çoxunu təşkil edir.
Müəllimlərin təxminən 25 faizinin maaşı 300-dən 400 lariyə qədər artır. Qeyd edək ki, heç bir müəllim maaş artımı olmadan qalmayacaq - ən azı 200 lari artım, hətta kiçik bir saatlıq dərs yükü də olsa, tamamilə bütün müəllimlərə təsir edəcək. Müəllimlərin təxminən 5%-i bu qrupa aiddir.

Maaş islahatı ilə paralel olaraq karyera sxeminin inkişafı üzrə də işlərə başlanılır. Bu məqsədlə Gürcüstanın Təhsil, Elm və Gənclər Nazirliyində bütün maraqlı tərəfləri cəlb etməklə xüsusi inklüziv komissiya yaradılır. İşçi qrup bu ilin sonuna kimi beynəlxalq təcrübə və yerli tədqiqatlar əsasında təkmilləşdirilmiş model hazırlayacaq.

Mənbə: Publika

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.
Print Email
FaceBook Twitter Google