Tbilisi meriyası, paytxt miqyasında piyada
keçid körpülərinin sökülməsinə başlanılıb.
İşləri İnfrastrukturun İnkişafı üzrə Şəhər
Xidməti yerinə yetirir.
Meriyaya əsasən Şəhər Nəqliyyat Xidməti ilə artıq körpülərin
söküləcəyi yerlər danışılıb və həmin yerlərdə işıqforla tənzimlənən
piyadalar üçün zebra-keçidlər qurulacaq.
Tbilisinin meri Kaxa Kaladzenin sözlərinə görə, o, sökülmə
prosesini Şartava küçəsində müşahidə edib, dəmir qurğular piyadalar
üçün infrastruktur hazır olan yerlərdə söküləcək.
“Sökülmə belə olacaq ki, sonradan lazım olduğu halda
əgər hansısa yerdə zebra keçid düzlətmək mümkün olmazsa körpüdən
yenə istifadə edəcəyik” – Kaladze bildirir.
Müsahibəni Tbilisi meriyası yayır.
Müəssisəyə əsasən “Metexi2008”-in həyata keçirdiyi piyada keçid
körpülərinin sökülmə prosesi 307 805 lariyə başa gəlir və ilin
sonuna qədər işlər başa çatacaq.
Tbilisi meri piyada keçid körpülərinin sökülməsini cari ilin
yanvarında anons edib. Kaxa Kaladze bildirirdi ki, körpülərə
çıxıb-düşmək əlverişli deyil, fiziki imkanları məhdut olan şəxslər
üçün uyğunlaşdırma olunmayıb və bəziləri isə ümumiyyətlə istifadə
olunmur.