18 mart tarixində Qardabani Təhsil və İnteqrasiya Mərkəzində Novruz
bayramına həsr edilmiş tədbir keçirilib.
Tədbirdə müəllimlər, ictimaiyyət nümayəndələri, gənclər, eləcə də
məktəb şagirdləri iştirak ediblər.
Şənliyi giriş sözü ilə Mərkəzin rəhbəri Çiçək Hüseynova açaraq
qonaqları və iştirakçıları salamlayıb. O, çıxışı zamanı qarşıdan
gələn tədbir iştirakçılarını təbrik edib və xoş arzularını
çatdırıb. Daha sonra Hüseynova Novruz bayramının əhəmiyyəti haqqda
danşıb.
“Novruz bir bayram kimi baharın gəlməsi münasibətilə
geniş miqyasda qeyd olunur və sevincli bir hala - qışın
qurtarmasına və baharın gəlişinə həsr olunur. Təbiətin, həyatın
oyanması Novruzdan başlanır. Azərbaycan xalqı bunu çox təntənəli və
həm də Yeni ilin, yeni günün – Novruzun gəlişinə ən azı dörd həftə
əvvəldən qeyd etməyə başlayır. Novruz şən və sevimli bayramdır.
Novruz xalqımızın bütün varlıqlarını özündə cəmləşdirən bayramdır
”.
Tədbirdə iştirak edən mərkəzin təhsisçilərindən olan Raul Əliyev və
digər şəxslər də çıxış edərək, hər kəsi bayram münasibəti ilə
təbrik ediblər və xoş arzularını çatdırıblar.
Şənlik konsert proqramı ilə davam edib. Konsert proqramında
gənclərin rəqsləri, onların hazırladığı şeir və mahnılar ifa
olunub. Tədbirin sonunda isə bayram tonqalı alovlandırılıb.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415