VİDEO - Bakının 8-ci kilometr bazarının yaxınlığında yerləşən Diqlas Ticarət Mərkəzi yanıb
11:32 / 26.03.2019
“Qaynarinfo”-nun məlumatına görə,
Ticarət Mərkəzində baş verən yanğın şiddətlənərək yaxınlıqdakı
ticarət obyektlərinə də keçib. Hazırda yanğının qarşısının alınması
istiqamətində tədbirlər görülür.
Yanğının yaxınlıqdakı yaşayış binasına keçməsi təhlükəsinin qarşısı
alınıb. Alov elektrik naqillərini də sıradan çıxarıb. Ərazidəki
insanlardan bir neçəsi tüstüdən zəhərlənib, onlar təcili tibbi
yardım maşınları ilə xəstəxanaya aparılıblar.
Fövqəladə Hallar Nazirliyi (FHN) Bakıda ticarət mərkəzində başlayan
yanğınla bağlı məlumat yayıb.
Nazirlikdən bildirilib ki, FHN-in "112" qaynar telefon xəttinə Bakı
şəhərinin Nizami rayonu ərazisində ticarət və digər təyinatlı
obyektlərin yerləşdiyi ərazidə yanğın baş verməsi barədə məlumat
daxil olub.
Çağırış ünvanına cəlb olunan Fövqəladə Hallar Nazirliyin Dövlət
Yanğından Mühafizə Xidmətinin yanğından mühafizə bölmələri və
Xüsusi Riskli Xilasetmə Xidmətinin xilasediciləri tərəfindən
yanğınsöndürmə işləri və digər təxirəsalınmaz tədbirlər
görülür.
Yanğının söndürülməsinə Fövqəladə Hallar Nazirliyinin Aviasiya
dəstəsinin helikopteri cəlb olunub.
Qaynarinfo xəbər verir ki, hadisə şahidlərinin yenicag.az-a verdiyi
məlumata görə, yanğına dönər dükanında yerləşən qaz balonunun
partlaması səbəb olub.