Niderland rəssamı Vinsent Van Qoqun “Monmartredəki küçə səhnəsi”
tablosu yarandığı gündən bəri ilk dəfə olaraq ictimaiyyətə
göstəriləcək.
Bu barədə “ARTnews” məlumat yayıb.
Rəsm əsəri Parisdəki “Sotheby's” hərrac evində sərgilənəcək, bundan
əvvəl isə Amsterdam, Honkonq və Fransa paytaxtında geniş şəkildə
nümayiş olunacaq.
Məlumata görə, şəkil 5-8 milyon avroya satışa çıxarılacaq.
“Monmartredəki küçə səhnəsi” 1887-ci ildə Van Qoq tərəfindən
çəkilib. Əsər 1920-ci ildə şəxsi kolleksiyada olub və o vaxtdan
bəri eyni ailədə qaldığından heç vaxt ictimaiyyətə
göstərilməyib.
Mənbə: apa.az