Qətərin paytaxtı Dohada tennis üzrə ATP-250 turniri keçirilib.
Turnirə Gürcüstan idmançılarıda qatılıb.
İsveçrəli tennisçi Roje Federer 1/4 finalda Gürcüstan təmsilçisi
Nikoloz Basilaşviliyə uduzub. 1 saat 52 dəqiqə davam etmiş
qarşılaşmanın yekununda Basilaşvili 3 setdə qələbə qazanıb = 3:6,
6:1, 7:5. Gürcüstanlı tennisçi yarımfinalda ABŞ-dan olan Teylor
Fritsə üz-üzə gələcək.
Qeyd edək ki, Roje Federer Peşəkar Tennisçilər Assosiasiyasının
(ATP) hazırkı reytinqində 6-cı yerdə gedir. ATP-250 39 yaşlı
idmançı üçün bir ildən çox davam etmiş fasilədən sonra ilk yarış
olub. Federer sonuncu dəfə 2020-ci il Australian Open turnirində
çıxış edib. Nikoloz Basilaşvili isə ATP reytinqində 42-ci yerdə
gedir.
Mənbə: report.az