İspaniya La Liqasının 28-ci turu çərçivəsində Madridin
“Real” klubu ilə “Selta Viqo” qarşı-qarşıya gəliblər.
“Real” “Selta”nı Santyaqo Bernabeu stadionunda sınağa çəkib.
Görüşün baş hakimi Mario Melero Lopez olub.
İlk hissənin ortalarında “Real” hesabı açmağa müvəffəq olub. 21-ci
dəqiqədə braziliyalı cinah oyunçusu Vinisius qola imza atıb. 80 və
88-ci dəqiqələrdə iki avtoqol qeydə alınıb. Oyunda son nöqtəni Arda
Gülər qoyub. Qarşılaşma 4:0 hesabı ilə başa çatıb.
28 oyunda 69 xal toplayan “Real” turnir cədvəlində birinci
yerdədir. Karlo Ançelottinin yetirmələri ikinci pillədə qərarlaşan
“Jirona”dan 7 xal öndədirlər. “Selta” isə 24 xalla 17-ci pillədə
qərarlaşıb.
Mənbə: oxu.az