Heydər Əliyev adına Tbilisi Dövlət Peşəkar Azərbaycan Dram Teatrı
builki mövsümdə “Nəhayət bitdi” adlı ikinci tamaşa hazırlayıb.
Səhnə əsərinin Gürcüstan Dövlət Pantomim Teatrında premyerası
olub.
Tamaşanın quruluşçu rejissoru və əsas rolun ifaçısı kimi teatrın
bədii rəhbəri Turqay Vəlizadə çıxış edib. Səhnə əsərində ikinci
dərəcəli rollarda teatrın gənc aktyorları - Telman İsfahanlı, Fuad
İsfahanlı, Səbinə Həsənova və Mədinə Həsənova yer alıblar.
Bir neçə xarici əsərin motivləri əsasında səhnələşdirilmiş “Nəhayət
bitdi” tamaşası bir insanın həyat dramından bəhs edir. Odlu silahla
intihar etməyə qərar vermiş baş qəhrəman həyatının sevincli,
kədərli və faciəvi məqamlarını ironiya ilə yadına salır. O, sonda
sevgisini itirməsi səbəbindən yaşamağında heç bir məna görmədiyinə
görə sui-qəsd edir.
Səhnə əsərini seyr edənlər arasında Azərbaycanın Gürcüstandakı
Səfirliyinin əməkdaşları, azərbaycanlı icmanın üzvləri, gənclər və
mətbuat nümayəndələri olub.
Teatrsevərlər tamaşanı maraq və alqışlarla qarşılayıblar.
Mənbə: report.az