20 mart tarixində Qardabanidə fəaliyyət göstərən “BEEZ” Uşaq
Teatrında Novruz bayramı qeyd edilib.
Bu barədə “BEEZ” Uşaq Teatrının bədii rəhbəri Binəli İslamoğlu
məlumat verdi. Onun sözlərinə görə, tədbir Novruz qəhrəmanları
Keçəl və Kosanın çıxışı ilə başlayıb. Daha sonra isə bayram şənliyi
teatrın kiçik aktyor və aktrisalarının müxtəlif çıxışları ilə davam
edib.
Bayram şənliyində Parlamentin deputatı Savalan Mirzəyev, Qardabani
bələdiyyəsinin icra başçısının müavini Dünyamalı Hacıyev, Səhman
Mirzəyev, Samir Xiyalov, Vüqar Məmmədov, Şəhadət Mehralıyev və
Kamran Babayev iştirak ediblər.
Tədbirdə Savalan Mirzəyev “BEEZ” Uşaq Teatrının bədii rəhbəri
Binəli İslamoğluna təşəkkürnamə təqdim edib. Qardabani bələdiyyəsi
adından isə teatra xüsusi hədiyyə verilib.
Tədbirin sonunda xatirə şəkli çəkdiriblər.