Marneulili müğənni Şaban Məmmədov yeni mahnısını dinləyicilərinə
təqdim edib.
Onun ifa etdiyi mahnı Türkiyəli müğənni və yazıçı İlyas Yalçıntaşa
aitdir.
Şaban Məmmədov “Marneuli” radiosu ilə söhbəti zamanı bildirdi ki,
mahnı yeni formada və yeni aranjimanda yazılıb.
“İlk öncə hər zaman mənə göstərdikləri diqqətə və
dəstəyə görə, “Marneuli” radiosuna dərin təşəkkürümü bildirirəm.
Bildiyiniz kimi, mənim “Gel Be Gökyüzüm” adlı mahnım artıq
dinləyicilərimizə təqdim olundu. Bu mahnı üzərində 2022-ci ilin
sonlarına doğru işləməyə başladım və bu günlərdə mahnını studiyada
səsləndirdik. Mahnı İlyas Yalçıntaşa aiddir, sözləri və musiqisi də
elə İlyas Yalçıntaşındır. Mənim ifa etdiyim versiyanın
aranjimançısı isə sevimli səs rejissorum Zaza Qoçitaşvili
hazırlayıbdır və mahnı da məhz onun studiyasında
yazılıb”, – Məmmədov dedi.
Müğənninin sözlərinə görə, o, yeni mahnı üzərində işləyir və tez
bir zamanda dinləyicilərinə təqdim edəcək.
“İndiki mərhələdə hər-hansı mahnıma klipin çəkilməsi
ilə bağlı fikrim yoxdur. Hələ ki yeni mahnı üzərində işləyirəm.
Əgər hər-hansı mahnıma klip çəkdirmək barədə düşünsəm, ilk olaraq
“Marneuli” radiosuna bildirəcəyəm”, – Şaban Məmmədov
bildirdi.
Qeyd edək ki, Şaban Məmmədov dəfələrlə ölkə daxilində və ölkədən
kənarda Qran-Pri mükafatlarına layiq görülüb.