Stomotoloqlar üçün nəzərdə tutulan yeni qayda qüvvəyə mindi
Stomatoloji klinikalar üçün yeni standartlar tətbiq olunub.
Onlara uyğun olaraq stomatoloji fəaliyyətə başlamaq və fəaliyyət
göstərmək qaydaları sərtləşdirilir.
Stomatoloji müəssisə altı ayda bir dəfə işçilərin hepatit B-yə
qarşı profilaktik immunizasiyasını və hepatit C-yə qarşı
skrininqini təmin etməyə borcludur.
Bundan əlavə, dezinfeksiya və tibbi tullantıların idarə olunması
üçün zəruri meyarlar hazırlanıb.
“Dəyişikliyə əsasən, stomatoloji müəssisələr üçün
infeksiyaların qarşısının alınması, mübarizə,
sterilizasiya-dezinfeksiya və tibbi tullantıların idarə edilməsi
üzrə zəruri meyarlar yenilənib, dəqiqləşdirilib və daha ətraflı
yazılıb. Prosesi daha yaxşı idarə etmək üçün müəssisədə infeksiyaya
nəzarət üçün məsul şəxsin təyin edilməsi məcburi oldu. Stomatoloji
müəssisə altı ayda bir dəfə işçilərin hepatit B-yə qarşı
profilaktik immunizasiyasını və hepatit C-yə qarşı skrininqini
təmin etməyə borcludur.
Dəyişikliklərlə müəyyən edilən tələblər 2024-cü ilin yanvarından
mövcud stomatoloji kabinetlər və klinikalar üçün məcburi olacaq.
Yeni müəssisələr yalnız bu standartlara əməl edərsə, fəaliyyətə
başlaya bilər”, - Səhiyyə Nazirliyinin məlumatında
deyilir.